ដល់ករហើយ ថ្លៃហើយអត់គ្រប់ទៀត!!! មន្រ្តីកាំកុងត្រូលរកឃើញដេប៉ូ TELA (ជើងឯក) លក់ប្រេងមិនគ្រប់តាមកម្រិតកុងទ័រ និងលក់ប្រេងធម្មតា ធ្វើជា…
លោក មាន ចំណាប់ បានបញ្ជាក់ថា
ការចុះពិនិត្យនេះធ្វើឡើងក្នុងគោលបំណងការពារផលប្រយោជន៍សេដ្ឋកិច្ចរបស់អ្នកប្រើប្រាស់យានជំនិះគ្រប់ប្រភេទ និងទប់ស្កាត់ការកែ្លងបន្លំ។ បើតាមលោក ចំណាប់ ការត្រួតពិនិត្យនេះ បានធ្វើឡើងដោយប្រើប្រាស់ឧបករណ៍ត្រួតពិនិត្យនៅនឹងកន្លែង ដូចជាធុងក្រឹតមានមាឌជាក់លាក់សម្រាប់វាស់បរិមាណប្រេងដែលបាញ់ចេញពីម៉ូទ័រ តាមទំហំផ្សេងខុសគ្នាមាន ចំណុះ ២លីត្រ ៥លីត្រ ១០លីត្រ និង២០លីត្រ។ ចំណែកសន្ទស្ស៍អុកតានប្រេងសាំងវិញ គឺប្រើប្រាស់ឧបករណ៍ Zx101xL និង Zx101Cសម្រាប់វាស់អុកតានប្រេងសាំងSuper(95)និងRegular(92)។ជាលទ្ធផលនៃការត្រួតពិនិត្យគុណភាព និងបរិមាណប្រេងឥន្ធនៈរបស់ដេប៉ូ ០៣កន្លែងនៅទីតាំងខាងលើនេះ រកឃើញថា ដេប៉ូលក់ប្រេង ០២កន្លែង លក់បានត្រឹមត្រូវទាំងបរិមាណ និងគុណភាពប្រេងឥន្ធនៈ។ ចំណែកស្ថានីយ០១កន្លែងទៀត ពាក់ស្លាក TELA (ជើងឯក) មានកង្វះបរិមាណប្រេងមិនឆ្លើយតបនឹងលេខកុងទ័រ ហើយលក់ប្រេងធម្មតាជាប្រេងស៊ុបពែរទៅអ្នកប្រើប្រាស់ថែមទៀត។លោក ចំណាប់ បញ្ជាក់ថា ក្រោយរកឃើញដូចនេះ ក្រុមមន្ត្រីត្រួតពិនិត្យបានឲ្យម្ចាស់ស្ថានីយ ធ្វើកិច្ចសន្យាកែតម្រូវម៉ាស៊ីនលក់ប្រេង តាមការធ្វើព្យាសកម្មឲ្យបានត្រឹមត្រូវឡើងវិញ នៅមជ្ឈមណ្ឌលមាត្រាសាស្ត្រជាតិរបស់ក្រសួងឧស្សាហកម្ម និងសិប្បកម្ម និងបានណែនាំឲ្យម្ចាស់ស្ថានីយលក់សាំងស៊ុបពែរ ដែលមានសន្ទស្សន៍អុកតាន ៩៥ពិតបា្រកដ។លោក មាន ចំណាប់ បានបញ្ជាក់ដែរថា ក្រុមការងារត្រួតពិនិត្យប្រេងឥន្ធនៈ របស់អគ្គនាយកដ្ឋានកាំកុងត្រូល នឹងបន្តធើ្វការត្រួតពិនិត្យឲ្យបានគ្រប់ស្ថានីយទាំងអស់ទូទាំងប្រទេស តាមលទ្ធភាពដែលអាចធើ្វបាន។ លោក ក៏បានអំពាវនាវដល់ម្ចាស់ស្ថានីយប្រេងឥន្ធនៈ ចូលរួមសហការជាមួយក្រុមការងារចុះត្រួតពិនិត្យ របស់អគ្គនាយកដ្ឋានកាំកុងត្រូលក្នុងកិច្ចការពារ អ្នកប្រើប្រាស់តាមផ្លូវច្បាប់។លោក ចំណាប់ ក៏បានផ្តល់ការណែនាំ និងអំពាវនាវទៅដល់ប្រជាពលរដ្ឋផងដែរថា អ្នកប្រើប្រាស់យានជំនិះទាំងអស់ ត្រូវពិចារណាឲ្យបាន ច្បាស់លាស់ក្នុងការជ្រើសរើសស្ថានីយប្រេងឥន្ធនៈ មុននឹងសម្រេចចិត្តចូលទទួលសេវាចាក់ប្រេងឥន្ធនៈ។ ជាពិសេសត្រូវពិនិត្យឲ្យបានច្បាស់លាស់នៅពេលចាក់ថា តើចំណុះប្រេងដែលចាក់នោះត្រឹមត្រូវតាមការទិញរបស់យើងដែរឬទេ?
ប្រភព khmerload
Link: news-sabay.today
Comments
Post a Comment