កេនយ៉ាង៖ កេនយ៉ាជាប្រទេសមួយដែលត្រូវបានគេចាត់ទុកថា ជាប្រទេសមួយដែលបានបង្កើតឲ្យមានកាកសំណល់ជាច្រើនជាពិសេសគឺ ថង់ប្លាស្ទិចតែម្តង។ បើតាមរបាយការណ៍ដែលគេបានធ្វើការសិក្សាទៅលើប្រទេសកេនយ៉ា បានរកឃើញថា គ្រាន់តែនៅតាមផ្សារទំនើបៗមួយចំនួនក្នុងប្រទេសនេះបានបង្កើតឲ្យមានកាកសំណល់ថង់បា្លស្ទិចប្រមាណជា ១០០លានថង់រៀងរាល់ឆ្នាំ។ ហើយអ្វីដែលកាន់តែអាក្រក់ថែមទៀតនោះគឺថា ការប្រមូល និងការបំផ្លាញចោលកាកសំណល់ថង់ប្លាស្ទិចទាំងនេះ ពុំមានប្រសិទ្ធភាពទាល់តែសោះ។
ជាលទ្ធផលនៅតាមផ្លូវថ្នល់មួយក្នុងប្រទេសកេនយ៉ាយ៉ាពោពេញទៅដោយថង់បា្លស្ទិច សូម្បីតែនៅតាមដើមឈើមួយចំនួនក៏មានថង់ប្លាស្ទិចដែរ។ សត្វមួយចំនួនដូចជាគោ ពពែដែលប្រជាជនចិញ្ចឹមសម្រាប់លក់ បានទៅដើររកចំណី និងបានលេបកាកសំណល់ថង់ទាំងនោះចូលក្នុងពោះទៀតផង។ ជារួមកាកសំណល់ថង់ប្លាស្ទិកនេះ បានបង្កបញ្ហាជាច្រើនសម្រាប់បរិស្ថាន ជីវិតមនុស្សសត្វ និង សណ្ឋាប់ធ្នាប់សាធារណៈក្នុងប្រទេសកេនយ៉ា។
ដើម្បីដោះស្រាយបញ្ហានេះ ឥលូវរដ្ឋាភិបាលនៃប្រទេសកេនយ៉ា បានបង្កើតច្បាប់យ៉ាងតឹងរឹងមួយជុំវិញការប្រើប្រាស់ថង់ប្លាស្ទិចនេះ។ ច្បាប់ថ្មីនេះហាមមិនឲ្យផ្សារទំនើបទាំងអស់ប្រើប្រាស់ថង់ប្លាស្ទិចឡើង ហើយបើអ្នកណាម្នាក់ហ៊ានប្រើថង់ប្លាស្ទិចនៅក្នុងផ្សារទំនើបនឹងត្រូវពិន័យជាប្រាក់ ៣៨,០០០ ដុល្លារ និងជាប់គុកចំនួន៤ឆ្នាំ៕
បកប្រែដោយ khmernotes.com
បកប្រែដោយ khmernotes.com
Comments
Post a Comment