ជួយស៊ែផង! ខំធ្វើការនៅកូរ៉េ៥ឆ្នាំ ទិញផ្ទះមួយដាក់ឈ្មោះប្រពន្ធ បែរប្រពន្ធលេងមួយក្បាច់ក្អួតឈាម

បុរសកម្សត់ស្លូតបូតជាពលករកូរ៉េម្នាក់ ត្រូវបានអ្នកប្រើប្រាស់បណ្ដាញសង្គមហ្វេសប៊ុកជាច្រើន បង្ហាញក្ដីអាណិតអាសូរពន់ពេក ពេលដឹងថា គាត់ត្រូវបានប្រពន្ធបោកប្រាស់យកផ្ទះបុរីដែលគាត់ទិញឲ្យទៅស៊ីដាច់ម្នាក់ឯង។
ជាប្ដីក្រីក្រកំព្រាឪពុកតាំងពីតូច រស់នៅស៊ីអត់ស៊ីឃ្លានពីរម្នាក់ម្ដាយកូន នៅម្ដុំព្រែកព្នៅ ជាយក្រុងភ្នំពេញ តែលោកបានខិតខំរៀនរហូតប្រលងជាប់ធ្វើជាពលករកូរ៉េ និងមានរយៈពេលជិត ៥ឆ្នាំហើយ។ លោករៀបរាប់ថា ដោយសារតែស្រលាញ់ និងទុកចិត្តប្រពន្ធ ខ្លួនសុខចិត្តចេញមុខទិញបុរីបង់រំលោះក្នុងតម្លៃប្រមាណ ៤៩ ០០០ ដុល្លារ ដោយដាក់តែឈ្មោះប្រពន្ធម្នាក់ឯងប៉ុណ្ណោះ ព្រោះគិតថាគង់តែរួមជាប្ដីប្រពន្ធគ្នាដដែល បែរជាប្រពន្ធធ្វើឲ្យខ្លួនក្អួតឈាម។
លោកបន្តថា លោកបានមកលេងខ្មែរដើម្បីឲ្យដឹងដំណើររឿងដើមទងជាច្រើនថ្ងៃហើយ ហើយ ៥ថ្ងៃចុងក្រោយនេះ មិនដែលបានហូបបាយទេ ព្រោះឆ្អែតចិត្តពេក។ បុរសជាប្ដីខឹងចិត្តបានសរសេរសារបង្ហោះលើនៅគណនីហ្វេសប៊ុកឈ្មោះ មេរៀន ជីវិតថា៖ គ្មានរឿងអី ត្រូវខ្មាសគេទៀតទេ គឺគាត់បានលួចលក់ផ្ទះដែលខ្ញុំខំរកលុយនៅកូរ៉េផ្ញើរមកអោយគាត់ទិញផ្ទះនៅ សុខចិត្តលំបាកខ្លួនឯងអោយតែប្រពន្ធកូនមានផ្ទះល្អនៅ តែមនុស្សគ្មានកំណើត លក់ផ្ទះយកលុយអោយម៉ែឪខ្លួនឯងអស់ ហើយរត់បាត់នាំទាំងកូនតូចទៅផង។គ្មានអាណិតប្តីធ្វើការនៅកូរ៉េជិត ៥ឆ្នាំ គ្មានសល់លុយ១០០ ហើយសូម្បីតែលុយខ្ចីម៉ែខ្ញុំ ២០០០$ ក៏មិនសងគាត់ គាត់ដើរលក់ត្រកួនក្រអៅឈូកសោះ ទំរាំសន្សំបានលុយអោយកូនខ្ចី បែរជាមិនសងគាត់ យកអោយម៉ែឪខ្លួនឯងអស់ ហើយថាខ្លួនត្រូវទៀត ខ្ញុំទុកចិត្តមនុស្សខុសហើយ ទិញផ្ទះសុខចិត្តដាក់ឈ្មោះប្រពន្ធតែម្នាក់ឯង នឹកឃើញថាប្រពន្ធយើងហើយមិនអីទេ សូម្បីតែឈ្មោះម៉ែខ្ញុំក៏មិនដាក់ដែរ តែលូវខ្ញុំមើលមនុស្សខុសហើយ។